السلام عليكم ورحمة الله وبركاته
طبعا انا عارفة انى من يوم الافتتاح وانا غايبة وده خلى زوار مدونتى الجديدة متشوقين ليا اوى(خليها فى سركو) بس انا احب اقول بس سبب الغياب و السبب ده هو اللى هيكون شرح للعنوان بتاع البوست ..اللى حصل ان اعز اصدقائى(هبة) تعبت نفسيا اوى اليومين اللى فاتوا..وطبعا انا كنت زعلانة عليها اوى طبعا من الممكن حد يقول ان البت دى(هبة يعنى) فافى و كده ..لا لا يا جماعة هبة دى كده زيى جامدة ومش بتتهز بسهولة وبتضحك وتهزر و قلباها مراجيح على طول..بس اللى حصل ان احنا بشر فى الاول و الاخر..لينا طاقة لما الحمل بيزيد علينا بنفصل زى الكمبيوتر لما بنزود الحمل عليه بيهنج ...اهى صحبتى كده بالظبط ...حضرت 3 عزاء فى اسبوعين و هنجت بعدها...بجد البنى ادم ده بؤ على الفاضى ..وبالونة كبيرة اى حاجة تيجى جنبه يفرقع...يلا ما علينا سورى انى كنت قلبتها حزن النهاردة وزهد..بس ان شاء الله بعد كده اغير اللون الغامق ده:ي وابدا اتكلم فى مواضيع بجد...ادعو لهبة و لينا اجمعين
والسلام ختام
8 comments:
مبروووووووووووووووووووك
تحياتي
الخفة يعني نرمو وبيب بيب نرمو بيب بيب نرمو نرمو عمهم وحارق دمهم :ح
هههههه بصراحة مش قادر أمسك نفسي من الضحك ...بجد بوست ظريف
علي فكرة من الواضح طبعا انك مدونة جديدة طازة زي العبد لله طبعاً المهم يسعدني اني اضع مدونتك في قائمة مدوناتي الافضل بس ليا طلب بسيط قبل ما اعمل كدة ..انا مش عارف اقري اسم المدونة ياريت تترجمي
الله يبارك فيك يا عادل و اهلا بيك فى البلوج
نورتى البلوج يا مونى ..على فكرة اليونيموس دى منى صحبتى بس نسيت و لا يهمك يا مونى:)
اهلا بيك يا احمد فى البلوج؟؟؟و ميرسى جدا على رايك فى البوست و ميرسى اكتر انك هتضيف البلوج بتاعى عندك...اما يا سيدى بالنسبة لعنوان البلوج..معناه"ابحث عن اسطورتى الذاتية"وللامانة التعبير ده انا وخداه من خالد كساب اللى بيكتب ف الدستور:)
واهلا بيك تانى فى البلوج بتاعى
مبروك البلوج يا ستي
بس فين الشربات؟
عارفه أحلى حاجة في المدونين الجداد إية؟
إنطلاقهم و سعادتهم ببلوجهم
فعلا حاجة تفرح
استمري في التدوير على أسطورتك الشخصية
على فكرة في رواية توحفة عن الأسطورة الشخصية
اسمها (( الخيميائي))
هتعجبك أكيد
ابقي قوليلي لما تخلصيها
يا اهلا بيك يا محمد فى البلوج بتاعى ..البلوج بقى كله كمون و زنجبيل....ميرسى على زيارتك ليا..انت عارف البلوجرية الجداد محتاجين الدعم والنصح من ذوى الخبرة امثالكوا :pوبالنسبة لموضوع رواية الخيميائى دى قولى على اسم المؤلف بتاعها عشان ادور عليها و اشتريها..وميرسى تانى على زيارتك
Post a Comment