ان شاء الله اللى ربنا هيديله طولة العمر ويعيش كمان 50 سنة هو اللى هيحضر الميتنج ده...
عارفين يا جماعة مسلسل
lost
اللى بيجى على ال
mbc
بجد مسلسل جامد جداااااااااااا..
فى امل بنسبة 30%ان مصر تعرف مسلسل زيه بعد 50 سنة...))المسلسل ده قصته بتدور ان كان فى طيارة حصلتلها ظروف غريبة و ووقعت ومعظم الركاب ماتوا ماعدا شوية منهم نجيوا ولاقوا نفسهم على جزيرة وقعدوا اول كام يوم على امل ان تجلهم مساعدة لكن مع الوقت ابتدى الامل ده يضعف وبدات على الجزية تحصلهم حاجات غريبة)) القصة ممكن تكون مش جديدة اوى لكن بجد يا جماعة المسلسل مثير جدا...المشكلة ان المسلسل ده تصويره كله على جزيرة يعنى طييعة فى طبيعة ...... يعنى الموضوع مش موضوع امكانيات وفلوس الموضوع موضوع خيال جميل وقدرة فظيعة على جذب الانتباه...المسلسل كله غموض واثارة بدون اى افتعال يعنى المسلسل مفهيوش بقى وحوش ودم و الهبل ده.. المسلسل عبارة عن غموووض يخليك تتابعه غصب عنك .... هو جو الغموض ده هو اللى بيخليك مشدود للمسلسل...نيجى بقى نقارن ده بالافلام المصرية ،وانا قلت افلام مش مسلسلات لان المسلسلات عندنا وصلت لحالة من التدنى مابقتش مستوى للنقد اصلا (تخلف عقلى مزمن)..يعنى المفروض يكتبوا تحذير على تترات المسلسلات(مرضى الضغط والسكر يمتنعون).. نيجى بقى على الافلام اللى احنا عاملين نتمنظر بيها ونقول انها بقت بميزانيات ضخمة و بتاع ...افلام تتعد على صوابع الايد الواحدة اللى ممكن نقول عليها (جيدة)الباقى كله حاجة كده تيك اواى ...وفى كده شوطة جديدة نزلت بباراشوت على السينما المصرية اسمها الاكشن !!! طبعا انا مش ضد افلام الاكشن فى حد ذاتها انا ضد اننا ناخد النموذج الغربى ونطبقه بحاذفيره...يعنى مانكنش احنا فى بلد نص شعبها مش لاقى ياكل ونلاقى فى الفيلم الابطال كلهم اغنياء غنى فاحش وعربيات بتتكسر و بدل ونظارات سودة وشغل مافيا ...مافيا ايه بلا نيلة احنا اخرنا عصابة التوربينى !!!
والنتيجة بنلاقى افلام باهتة مالهاش لاطعم ولا لون ولا ريحة ...حتى الافلام اللى بتحاول انها تقول حاجة بتقع فى خطأ فاضح وهو "المباشرة" اكتر حاجة تستفز اللى بيتفرج ان اللى عاملين الفيلم يرتدوا عباءة الحكمة ويبتدوا يأدبوا المتفرجين (وان كانت الحكاية دى مش منتشرة اوى فى الافلام زى المسلسلات الخنيقة... ولنا فى مسلسل حضرة المتهم ابى-نور الصباح..الخ خير مثال)...مع الاسف نادرا لما نلاقى فيلم مصرى حقق المعادلة الصعبة بين انك توجه رسالة وفى نفس الوقت الفيلم مايكنش مباشر وممل....يعنى مثلا موضوع زى موضوع الادمان شوف كمية الافلام اللى اتكلمت عنه...وطبعا المسلسلات هرت نفسها كلام عن الموضوع ده...يعنى مسلسل lost ده اتكلم عن حكاية الادمان بان كان فى واحد من اللى نجوا من الطيارة كان مدمن وطبعا بعد ما قعدوا فى الجزيرة بدأت اعراض الادمان تزيد عليه وبدا واحد من اللى نجيوا يوجهوا بطريقة بجد شيقة جدا يعنى فعلا انا كنت مستعمتة وانا بتفرج على الحوار وفى الأخر نجح فى انه يتخلص من ادمانه بالرغم من ان كانت لسه معاه كمية من الهيروين...مسلسل كله معانى بالرغم انو المفروض مسلسل تشويق ...نيجى بقى نقارن ده بمسلسلتنا ...يمكن اقرب مثل فى دماغى دلوقتى كان مسلسل اسمه(اسلحة دمار شامل)المسلسل ده الحسنة الوحيدة اللى فيه ان اللى عملوه كان نفسهم يقولوا حاجات مفيدة، بس بجد المسلسل طلع عبارة عن(كوكتيل من خطب و مواعظ ) وجمل على نفس وتيرة ليه الانسان يقتل اخوه الانسان والكلام الحمضان ده !!! ...بجد حاجة تحزن ...احنا لحد النهاردة مش عارفين نعمل مسلسل كارتون عدل (اوعى حد يطلع فى النص كده ويقولى انا بحب بكار) ...فى فيلم كارتون اسمه (شركة المرعبين المتحدة)الفيلم ده بجد كسر الدنيا اعتقد ان معظم الناس شافته..واكيد اللى شافه فاهم الفجوة الكبيرة اللى بينا وبين الغرب..وعلى فكرة مش معنى كلامى انى موافقة على كل حاجة بتتعرض فى الافلام الامريكية أكيد فى حاجات فيها (ومن ضمنها lost)انا مش بكون موافقة عليها لأنها بتتعارض مع دينا واخلاقنا لكن لازم الواحد يفهم ان هى دى حياتهم يعنى هما مش بيصطنعوا حاجة لكن الدور والباقى علينا احنا اللى بنحاول نقلد افلامهم وناخدها كابى و بيست ...انا بتكلم على الخيال و الابداع فى حد ذاته...وزى ما قلت يا جماعة الموضوع مش موضوع امكانيات الموضوع موضوع خيال وبس واعتقد ان الخيال ده مش بفلوس..يمكن الواقع والظروف اللى احنا فيها دى هما السبب فى ان مابقاش حد عنده أى خيال عشان يبدع حاجات زى كده.. وبقى كل خياله منحصر فى رغيف العيش اللى هيفطر بيه بكرة ...حاجة تحزن بجد...ما علينا..كفاية كده بقى..وماتنسوش المعاد ...يلا سلام
