مالقتش بوست اكتبه الطف من بوست يتكلم عن مجلس الشعب....أكيد الصور لوحدها معبرة عن كم المهزلة اللى احنا وصلنلها هنا فى مصر...لب وسودانى و نوم !! يانهار ابيض ...دى مراجيح مش مجلس شعب.... عندنا فى جامعتنا لو دكتورلمح حد بياكل ولا بيشرب(بغض النظر ان الحاجات دى بتتعمل فى الخباثة)
بيطردونا ويسمعونا محاضرة
غير اللى هما بيشرحوها)عن احترام المكان و الراجل اللى قاعد بيتكلم..واحنا اسمنا فى الآخر ايه؟؟.... طلبة... يعنى لمو آخدة شوية عيال..اشحال دول بقى ناس كبااار ناضجين منتخبين!!!
بس عموما الصوردى مجرد انعكاس للحال اللىوصلت ليه مصر....احسن حاجة ان فتحى سرور حل الموضوع بانه منع اكل اللب و السودانى و كده عشان النواب بيوقعوا قشر على الارض ههههه ممكن يبقوا ياكلوا فشار بعد كده زى اللى قاعدين فى السينيما عشان مالوش قشر.... ما علينا طبعا انا مش جاية النهاردة عشان اعلق على الصور دى ..انا بس جبتها كده تفاريح بمناسبة انى هتكلم عن حاجة تخص مجلس الشعب...انا جاية النهاردة اتكلم عن مادة عجيبة وغريبة فى الدستور(اللى مليان مواد عجيبة و غريبة بردو غير دى) وهى المادة (87
نص المادة
يحدد القانون الدوائر الانتخابية التى تقسم اليها الدولة ، وعدد اعضاء مجلس الشعب المنتخبين، على ألا يقل عن ثلاثمائة وخمسين عضوا ، نصفهم على الاقل من العمال و الفلاحين،ويكون انتخابهم عن طريق الانتخاب المباشر السرى العام.
بجد المادة دى واستمرارها فى الدستور لحد دلوقتى بيمثل علامة استفهام كبيرة؟؟
يعنى انا ممكن افهم الغرض اللى بسببه اتحطط المادة دى من اكتر من خمسين سنة
لما كانت مصر وقتها لسه خارجة من احتلال وكانت طبقة الفلاحين والعمال بتعانى من التهميش و الاستعباد
لكن ان لحد سنة 2007 اخلى نص مجلس الشعب من العمال و الفلاحين وبموجب نص دستور
ده اللى فعلا حاجة عجيبة!!!ا
طبعا انا مش قصدى اقلل من الطبقات دى ...بس انا مش مقتنعة اننا نخلى نص المجلس داخلين عشان تحقق فيهم شرط احسان القراءة والكتابة..يعنى اظن ان نواب مجلس الشعب المفروض هما اللى بيسنوا القوانين اللى بتمشى البلد و تنظمها(انا بقول المفروض) يعنى المفروض ان الناس دى تكون على قدر كبير من التعلبيم والثقافة عشان يكونوا مؤهلين للتعبير عن الاحتياجات الفعلية للشعب
يعنى ليه ما يسبوش الموضوع يتحدد تبعا لمبدأ تكافؤ الفرص
يعنى اى حد يكون كفؤ فعلا ورشح نفسه يستحق انه يكون نائب فى المجلس بصرف النظر بقى كونه فلاح، عامل، عفريت ازرق
المهم انه صالح لكده فعلا
يلا بقى ان شاء الله املنا خير ان المادة دى تكون ضمن التعديلات الدستورية الجاية اللى هيقوم بها الرئيس مبارك فى فترته الرئاسية السادسة القادمة بأذن الله كخطوة مرحلية لترسيخ وتدعيم وتأكيدو..و... للديموقراطية فى مصر
12 comments:
thanks for you work and have a good week
يتلقّى [أبتريغدو] لعملك وأسبوع جيّدة
طبعا يا نرمين موضوع العمال والفلاحين دة متساب علشان اسباب احنا كلنا عارفين ليه؟
علشان كل حاجة تمشي كويس على الرغم من ان المجلس لو كله برضة اساتذة جامعة..كل القوانين هتمر برضة
بوست جميل وصور جميلة
تحياتي ليكي
اولا احلى تحية لسيد قراره
ثانيا النوم في مجلش الشعب دا موجود من زمان من ايام الفراعنة
حتى افتكرو كدا لما احمس كان بين مستشاريه وهما بيظبطو للحرب ؟ لمح مستشار بيتاوب راح مصحيه ورابطه في العجلة الحربية
طبعا انا بهيس
بالنسبة لموضوع العمال والفلاحين دا بقى سبوبة لكل راغبي الحصانة وترخيص الآلي من كبار العائلات حد لاقي يعدي بكيلو هروين ولا كام فرش حشيش من لجنة من غير ما يتفتش اصلا :ي
على فكرة انا حاسس ان كومنتي غلس بس اهو اتكتب وخلاص
أنا حبيت أقول بس إن الحل اللي وجده عمو فتحي سرور مش منع اللب و الفول السوداني
بل منع التصوير في مجلس الشعب
شايفه القيادات الوطنية الشابة اللي بتسهر على أمن و راح المواطنين- أقصد أعضاء مجلس الشعب
بس خلاص ما توديناش ف داهية
أنا لسة رجلي مكسورة و مش مستعد أروح أقسام
تحياتي
david santos
welcome in my blog..and thnx for ur comment here in this post and in the previous one
احمد سمير
ميرسى كلامك ...واكيد طبعا انا عارفة ان حتى لو المجلس كله دكاترة جامعة( قال دكاترة الجامعة بقوا حاجة عدلة دول اكتر ناس متعشية)...بس بردو يا احمد الموضوع مش هيكون فوضى اوى زى دلوقتى ...على الاقل المجلس ياخد شكل اكتر جدية ...لان مجلس الشعب ده عايز ناس واعية ومفتحة اوى للى بيحصل حواليهم وواخدين بالهم من اللعب اللى بيحصل اثناء عملية التصويت
تحياتى
ندل
ايه بس يا عم ندل بتقول على الكومنت بتاعك غلس ليه..والله ابدا..ده حتى موضوع الفراعنة دع عجبنى اوى...والله ينفع فكرة بوست ...انا بجد نفسى تعملك بلوج.
تحياتى ليك ولشعب مصراوى
محمد فوزى آل ربيع
اولا الف سلامة عليك لتانى مرة ...ثانيا عمو فتحى سرور اخد كذا قرار صراحة يعنى ..اول حاجة انه منع التصوير وكمان منع اللب عشان القشر....وبعدين فيها لما تيجى معايا فى داهية اشمعنى انا يعنى..اروح لوحدى يعنى ههههه
تحياتى
بجد صور جميلة جدا
جبتيها منين يا بنت يا شقية انتى؟
يااااااااااااااااااه
انتي عندك امل بقي انها تتعدل الفترة الرئاسية السادسة
دة انتي طيبة اوي
بالنسبة للعمال يا بنتي دة شرط طبعا ان هما يكونوا عمال وفلاحين
انتي عايزة حد مثق وتعليمه عالي يخش مجلس الشعب ويقعد يناقر مع الوزرا
لازم يكون فاكك اميته عشان يفهم الفولة
افهموها بقي :)))))
شرط اساسي لدخول اي مجال سياسي اقتصادي اجتماعي يخص قرارت حاسمة ان يكون بني ادم ذو عقل متاخرة ودماغة فاضية وبياكل فول كتير علشان يبقي قاعد مش فاهم حاجة ولما يقولو موافقون يقولو موافقا حتي من غير ما يعرفو علي اية بجد اازاي بيعملو كدا اين ضمائركم كل يوم مصيبة في البلد ومش هيسكتو الا لما ميلاقوش بلد بجد مصر بتغرق وكلنا للاسف واقفين نتفرج ومن بعيد كمان مفيش غير ان يحصل معجزة من عند الخالق اللهم ما انقذنا من الحكام الفاسدين واستجب يا ارحم الرحمين
نرمو صحيح نسيت اكتب اسمي ستك وتاج راسك (مني)
انتي حد عبقري و الكومنت بتاعك علي الموضوع جامد جداااااااااااا
احمد مختار عاشور
ههه طبعا مش هقولك:P ..انا جبتهم من سايت واحدة صحبتى ومعرفش هى جابتهم منين ...على فكرة انا بدات اقرى لخالد توفيق ....ربنا معايا بقى :d
سمرا النيل
سمرا النيل جاتلى البلوج بتاعى...يا هلا يا هلا...والله فرحت انك جيتى البلوج..اهلا بيكى بجد..انا فرحانة انك جيتى لسببين ..اول واحد ان انتى واضح انك شخصية لذيذة وده باين فى البلوج بتاعك...تانى حاجة انك تقريبا تانى بنت يكون ليها بلوج تعبرنى من ساعة ما عملت البلوج ده....ماتخفايش يا ستى احنا فاهمنها ...بس بنمثل اننا مش فاهمين
تحياتى ليكى
مونى
فعلا يا منى اعتقد ان الفول و الغباء بقوا من اهم شروط الحصول على عضوية مجلس الشعب
تحياتى يا مون مون
خواطر شاب غامض
ميرسى لكلامك (بس مش لدرجة العبقرية يعنى لحسن اخد قلم فى نفسى)
تحياتى
لا اله الا الله
وحسبنا الله في الظالمبن
Post a Comment