على الرغم من انى كنت ناوية ماكتبش حاجة جديدة طول الشهر ده ..يعنى زى ما الكل عارف شهر امتحانات والواحد وراه تلاااااااااال من المذاكرة ..يعنى مش وقت الواحد يبوست
ينشر بوست يعنى
تعبير مأخوذ من نهى منير
خالصصصصصص
بس بصراحة لقيت كده خبرين وقعوا قدامى ماقدرتش اقاوم فكرة انى اكتب بوست صغنن عنهم
انتو عارفين بقى يموت البلوجرى وصوابعه بتلعب على الكيبورد
فى الحقيقة الخبرين اللى معايا النهاردة منفصلين عن بعض..بس بيشتركوا فى حاجة ...ان الاتنين بيتكلموا عن نزاهة القضاء
بس بصراحة لقيت كده خبرين وقعوا قدامى ماقدرتش اقاوم فكرة انى اكتب بوست صغنن عنهم
انتو عارفين بقى يموت البلوجرى وصوابعه بتلعب على الكيبورد
فى الحقيقة الخبرين اللى معايا النهاردة منفصلين عن بعض..بس بيشتركوا فى حاجة ...ان الاتنين بيتكلموا عن نزاهة القضاء
اكيد مش قصدى القضاء المصرى...طبعا قضائنا نزيه على عينى وعلى راسى ..بس بردو طلع ولا نزل نزاهة مصرية
يعنى فيها الديفو بتاع اى حاجة ميد اين ايجبت
اول خبر معايا بيتكلم عن باريس هيلتون...البنت دى مليارديرة وريثة فنادق هليتون.... دى بقى اتحكم عليها فى امريكا بالحبس 45 يوم ؟؟؟لييييييييييه
!!!عملت ايه البنت دى
عشان كانت سايقة العربية وهى مخمورة ودى مش اول مرة ليها
عندنا فى مصر لو ابن رجل اعمال او وزير عمل مصيبة بالعربية بتاعته وقتل حد...هيطلع منها زى الشعرة من العجينة...وكله بفلوسه......لكن باريس دى معرفتش تعمل حاجة بفلوسها توقف بيها حكم القضاء اللى صدر ضدها
مع ان باريس دى لو مثلا فى بلد زى اى بلد من بلاد العالم التالت حلو التمويه ده كان فى ايدها تشترى السلطة القضائية ولموآخذه التشريعية
بلاش التنفيذية بفلوسها
تانى خبر بقى معايا ده يفقع بصراحة ..يقولك فى النرويج مواطن اسمه رونى بار هانسنماله بار هانسن ده؟؟
يقولك رفع قضية عشان كان عايز يترشح لمنصب قاضى وتم تجاوزه
عارفين ادوا المنصب لمين ؟؟
لواحدة ست اقل تأهيلا
طب هما الناس دول زى عندنا كده فى كوسة والخضروات اللى عندنا دى
لا يا جماعة القانون عندهم بينص على ان المراة لازم تمثل 40%على الاقل من اعضاء مجالس الادارة بالشركات
طب طالما هما فل اوى كده ...مايرفضوا دعوى رونى ده
تصدقوا ان عمونا رونى ده اتحكملوا ب 117 الف دولار تعويض
مش عارفة ليه مش 120 الف ويخلصوا ...ما علينا حد لاقى
اللى يفقع بقى ان عم رونى ده رفض التعويض وقال ان الوظيفة عنده اهم من المال
فى الحقيقة الواحد مش عارف يقول ايه.
على فكرة البلدين دول ماحدش يقدر يقول انهم بلاد كاملة وبتحقق العدالة بشكل مجرد...يعنى اكيد
كلنا عارفين سياسات امريكا الخارجية عاملة ازاى...وبلد مثلا زى النرويج دى كانت من اكتر المؤيدين لموقف الدنمارك ايام ازمة الرسوم المسيئة للرسول عليه افضل الصلاة والسلام بل انها كانت من البلاد اللى بتسىء كمان....لكن انا باصة انهم اد ايه عادلين جدا مع شعوبهم ومش بيكيلوا بمكيالين زى عندنا مع شعوبهم...عشان كده هما وصلوا للى هما وصلوله دلوقتى.. على فكرة النرويج دى الاحصائيات بتقول انها متصدرة قائمة افضل دول العالم من حيث مستوى المعيشة
32 comments:
وهذا سر تقد م هذه الدول حتي ولو كانت كافره كما يقول المتدينين عندنا ,ان الله ينصر الدوله الكافره لو كانت عادله
حلوووة
ياااابلدي
------
عرفاها الاغنية دي
:)
الناس دي يا نرمين بيطبقوا الاسلام بتاعنا اللي احنا مابنطبقوش في بلادنا
الاسلام ماقالش ان الواسطة هي سر الحياة ولا قال ان العدل يطبق على الفقير ولا يطبق على الغني
هناك يا نرمين اسلام بدون مسلمين انما احنا هنا لا عندنا اسلام ولا مسلمين بجد
تحياتي واحتراماتي
ايه دا كله ايه دا كله
ايه الجبس دا كله!؟
باريس هيلتون مرة واحدة في البلوجر عندنا ؟ بصراحة البنت دي بتفكرني بنماذج كتير في مصر بس سوء حظها انها مش في مصر
بنت زي دي ورثت عن ابوها الحج هيلتون سلسلة فنادق عالمية ومن ساعتها ماشية بنظام سبع صنايع والبخت ضايع غنت ومثلت ورقصت وعرضت وكتبت ولا نفعت في اي حاجة مع ان خمسين الف هنا يعملو من بنت كسر بطلة فيلم يكسر الدنيا
وبالنسبة لخبر النرويج دا عمنا روني هو اشك في ان له اصول عربية
لان نقحت عليه ازاي واحدة ست تاخد شغله دا من ناحية
ومن ناحية تانية بيستغبى لانه رفض التعويض لان ناس زي دول القانون عندهم 40% ستات وبالرغم من كدا ادوله تعويض مش زي تعويض خمسة للمتوفي وتلاتة للمصاب بتاع الحكومة
على فكرة انتي فاتك حاجة مهمة يانيرمو
المية وسبعتاشر الف دول كانو مية وعشرين بس انتي ناسية الدمغة وضريبة الملاهي كفاية انه راح اتفسح في المحكمة رايح جاي
ايه دا انا كتبت كتير ليه ؟ ادي اخره اللي يرمي كومنت وهو رايح ينام بعد 18 ساعة صحيان
لو لم اكن مصريا لوودت ان اكون روني
تصبحو على خير
احنا عنجنا لو حد رفع قضية تعويض وكسب خماشر ألف جنيه طبعا المحامى هايلهف تلاتاشر ونصف المأسوف على شبابه كفاية عليه الةواحد ونص وهايبقى مكيف ع الآخر هايشترى مروحة وخلاط وهايجيب لابنه مبايل وهايشحن كارت بى 25 جنيه مرة واحدة
نعمل ايه بس هم يضحك وهم يبكى
تحياتى ليكى ولكلامك المحترم
انا عارف حوار
الادمان بتاع التدوين ده....ربنا معاكي...تقدري تقولي انك بقيتي مدمنه رسمي دلوقتي...وأهلا بيكي في عالم الادمان
LOOOOOOL
أسلوبك سهل ممتنع يا نرمين
و ظهر فيه نضج غير عادى
بحسك بتشجعى حتى بتوع محو الامية انهم يقرولك
و ديه ميزة مهمة جدا على فكرة
................
انتى بقى بتتكلمى عن موضوع الدانمارك
و مش عاجباكى المظاهرات
طب هنشوف جلسة مجلس الشعب الجاية هتكون على مين
و مثالك كان جميل اوى
ان الغرب مش بيهتم بالمال فى تطبيق القانون
و عندك كمان مثال اخر
ان الغرب مش بيهتم بالسياسة فى كدة برضه
افتكرى بيل كلينتون لما كان بيتحاكم فى علاقته مع مونيكا
مكنش بسبب انه مارس الجنس
لا
ده عشان فى الاول كدب عليهم
.............
تحياتى
مصرى
جامدة اوى الجملة بتاعة
"ان الله ينصر الدولة الكافرة لو كانت عادلة"...اتمنى تدوام على زيارة المدونة على طول
تحياتى
___________________________________
شادى فايد
ههههه اه طبعا ....اغنية جامدة
تحياتى
___________________________________
احمد سمير
ايوه فعلا يا سمير الجملة دى بتشرح الحال اللى احنا فيه...والمصيبة اننا مصدقين نفسنا وفاكرين ان احنا اللى ربنا راضى عنا واننا بنطبق الاسلام صح
ميرسى على مرروك هنا
تحياتى
___________________________________
ندل
18 ساعة صحيان يا مفترى :ي
ده انت كويس انك شايف الكيبورد...يا ريت تكون سهرانهم عشان كفا الله الشر المذاكرة...اوعى يكون عشان مصراوى ههه
ازاى فعلا نسيت حكاية الدمغة دى ...كويس انك لفت انتباهى :ي
يلا سلام :ي
__________________________________
هباسا
اولا اهلا بيك فى اول مشاركة ليك هنا واتمنى بجد انها ماتكنش اخر مرة
ثانيا
احم احم بلاش تخبط فى المحاميين :ي عشان انا حقوق انجليش :ي يعنى الكار كارى هههه
ثالثا
فعلا زى ما انت بتقول ان فى هم يضحك وهم يبكى ..واحنا فى مصر بلا فخر عندنا كل انواع الهم
تحياتى ليك
__________________________________
ميدو مجدى
هههههه يعنى خلاص كده يا دكتور ..مفيش امل فى علاجى...على العموم انا مش عايزة اتعالج هههه واتمنى افضل مريضة بالتدوين على طول
تحياتى ليك
___________________________________
احمد مختار عاشور
يا نهار ابيض ! انا كل الكلام ده...بس بقى لحسن اصدق و اخد قلم فى نفسى ههه ميرسى طبعا لكلامك
على فكرة المثال بتاع مونيكا ده جامد جدا وفعلا ده بيوضح الفكرة اللى انا كنت عايزة اوصلها...فعلا الناس دى صريحة كده مع شعوبهم..وبالرغم انهم عندهم الحاجات دى عادى جدا وبيعتبروها حرية شخصية ..الا ان كل الغضب اللى كان منصب كلنتون و رمى صوره فى الارض والدوس عليها عشان كدب عليهم
مش عارفة الناس دى المفروض تيجى تقعد عندنا شوية عشان يجلهم حصانة ضد الكدب
ميرسى لمرورك يا عاشور
تحياتى
انتي بتشطبي بدري ولا اية
شايفك بتلمي الكومنت
طيب استني بس ارمي كومنتي معاهم جايز نكسب ولا حاجة مش برضو فية سحب
بصي يا نرمين بحكم لفي ودوراني في بلاد الله الواسعة لقيت ان الفقر
بيغير حجات كتير قلة الدخل بتخلي الناس تقطع في بعضها اقتصاد اي بلد لما يتعب كل حاجة بتتعب
انا بحترم فيهم خصلة وحدة بس عدم الكدب
الرسول علية الصلاة والسلام قال بما في معناه علشان مش حافظ الحديث بالنص الكامل
ان المؤمن ممكن يعمل اي حاجة بس مش ممكن يكدب لان لو الكدب جة اتهدمت كل حاجة الصفة دي راحت من عندنا من زمان لو اي حد طلبوا منة يعمل اي حاجة ويجي يقول عليها بصدق مش هيعملها بس هو بيداري في الكذب
لو كان صادق هيخاف يكذب فمش هيعمل الغلط
شكلي طولت انا يالا خدي الكومنت بس لحظة اطبقة
هيه هيه . احنا بقي لينا سبق
في الكوسة
النبى ياجماعة محدش يجيب سيرة ميد ان ايجبت دى احسن بضرس وبيجيلى كرشة نفس
ايجيب ايه بس؟؟
وقضاء ايجيب ايه بس؟؟
ده عمرو اديب امبارح فجعنى
200 قضية فى اليوم للقاضى الواحد؟؟
كحك ياجدعان
ليه؟؟
ده على رأيه لو قاضى اليكترونى مش حيعملها
جتنا نيلة فى بلدنا الهباب
اسلوبك زى ماقال عاشور
سهل واوى ومشجع اوى
رغم انى مابقراش المواضيع الطويلة بس مقدرتش مااقراهوش
مدونة عسولة زى صاحبتها كمان :-)
مشعارف اقولك ايه طيب
اعيط ولا ايه بس انا بقا لا هعيط ولا حاجة عارفه ليه لان الله لا يغير ما بقوم حتي يغيروا ما بانفسهم
صدق الله العظيم
الناس دي يا عزيزتي فيها كل بلاوي الدنيا ولاكن بياخدوا بالاسباب وخصوصا فيما يتعلق بالانسان وصرحاء جدا
هاقولك حاجة
بيل كلينتون كان افضل رئيس لامريكا يحققلها اعلي معدل تنمية من بين كل الرؤساء ولاكن لانه كذب وحنس باليمين على الشعب فسقط ولم ينجح مرة اخري على الرغم ان فعلته تعتبر شئا عاديا جدا هناك ولاكنهم يحترمون الصدق ويبغضون الكذب
هكذا هم ناجحون
تحياتي يا بو دم خفيف
انا مصر معلش بقا
أنا مررتلك تاج
:)
المهم اننا عارفين عيوبنا وعارفين الناس دي وصلت ازاي للتقدم ده ولسه بنستهبل وبنقول احنا حضارة وعراقة
بصراحة
أنا دمي اتحرق
أنا قايم أنام
مش عارف ليه بقيت أخاف أواجه الواقع
عايز أعمل صقل لروحي بعدين أرجعلك
تحياتي يا نرمين
تعليقى انى لحد دلوقتى قريتللك 3 بوستات
اسلوبك حلو اوى وبسيط ومواضيعك جامده الى عاجبنى انك بتناقشى وبتطرحى مواضيع بنصطدم بيها يوميا تناول هايل..ومدونه جميله زى صاحبتها
نزاهة
نزاهة؟
لا مش فاكرها الكلمة دى
هبقى اروح النرويج اعرفها و بالمرة اشوف المستوى الاجتماعى لاحسن هو كمان ضاع
لاسلوب السهل و الجميل انا دخلت فى البوست اللى قبله وقريته كله
انا اعرف ناس ارتبطت من النت و منهم كتير انفصلو بعد كده بس الناس دى كان بداية تعارف من النت بعد كده مقابلات و معرفة شخصية يعنى
اما الاشتغالات على النت ففعلا كتيرة و مشكلة
كراكيب عادل
يا مراحب يا عادل...الحديث اللى انت بتقوله ده فعلا بيثبت ان الكذب مش من صفات المؤمن ابدا..لان الرسول عليه افضل الصلاةوالسلام لما اتسال ان هل المسلم ممكن يكون جبان او بخيل ،الرسول عليه الصلاة والسلام قال نعم لكن لما اتسال فى ان الكذب ممكن يكون من صفات المؤمن قال لا...تحياتى ليك يا عادل ..وميرسى على الكومنت المطبق:)
_________________________________
آخر من الآخرين
اولا اهلا بيك...ثانيا طبعا اعتقد اننا الحمد لله متصدرين افضل دول العالم فى الكوسة:)
تحياتى
___________________________________
البتاع
يا ميت اهلا بيكى... ميرسى على كلامك وذوقك.......معلش بقى ردى عليكى جه متاخر ..بس انتى عارفة بقى الفترة اللى ما يعلم بيها الا ربنا اللى احنا بنمر بيها دى.. الامتحانات يعنى ....شكرا لمرورك هنا...وياريت ماتقطعيش الزيارات ..البلوج فى وش البلوج:)
تحياتى
________________________________
احمد طاهر
يا قهلا يا قهلا....ميرسى على كلامك اوى ..حلوة يا ابو دم خفيف دى:)
ميرسى لمرورك..وسامحنى لو اتاخرت فى التعليق على بوستاتك
تحياتى
___________________________________
شادى فايد
ربنا يجبر بخطرك زى ما انت جبرت بخطرى كده يا شادى واشوفك دكتور كبييير اد الدنيا دى يا رب...اول مرة حد يعبرنى بتاج:) بس معلش بقى انت عارف ان اختك لسه محدثة بلوجات...التاج ده اجيبه منين هههه ..يعنى اجيب الاسئلة منين ..معلش يا شادى استحمل انت عارف بقى النت المجانى اللى خلى امثالى يقعدوا على النت هههههه
ميرسى جدا جدا وتحياتى
__________________________________
سندباد
اه يا سندباد احنا لسه عايشين على الحلم ده وحضارة 7 الاف سنة ونيلة...اهلا بيك
تحياتى
_________________________________
محمد فوزى
انت فين يا راجل...معلش بقى انا عارفة الثانوية اكلت دماغك..كويس انك لسه معانا اصلا...ربنا معاك يا محمد ومعانا كلنا.....تصبح على خير:)
___________________________________
كاميرا جيرل
ميرسى يا جميل على كلامك :) انتى بجد نورتينى ...واتمنى يا رب افضل كده عند حسن ظنك
تحياتى ليكى
________________________________
محمد ياسر
اولا ميرسى على مرورك
ثانيا ميرسى جدا على كلامك واتمنى اكون كده فعلا
ثالثا
موضوع حب الشات والارتباط عنه ده متشعب اوى يا محمد انا حاولت المه على اد ما اقدر وابسطه ...لان الموضوع فعلا مشكلة كبيرة...وصعب نحصره فى حالات معينة.
ميرسى على مرورك هنا واتمنى ما تقطعش الزيارات
تحياتى
It places fhoto of Madeleine in your bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
شكلك بتذاكري يانيرمو ؟! انا لسه متمسك بمبدئي شرف المادة زي عود الكبريت ميولعش غير ليلة الامتحان
بس الكومنت دا مخصوص علشان الاعلان المنشور اعلاه - اعلى الكومنت بتاعي يعني -
اول مرة الاقي فايدة للسبام
شايفين الطب اتقدم قد ايه ؟ واحد مظبط سبام اعلان عن واحدة مفقودة
انا اعتقد ان في واد مصري ضحك عليها وضربو ورقة عرفي وقالها اهربي بالدهب بتاعك من بيت ابوكي في البرتغال وتعالي نسكن في شقة بتاعة واحد صاحبي في امبابة
ملحوظة : الرجاء نشر السبام دا تلاتاشر مرة ولو عندك حاجة ضايعة هتلاقيها ولو مش نشرت هيحصلك زي ما حصل لرجل الاعمال اياه اللي ضاعت فلوسه كلها
:):)
على فكرة انا زهقت من كل شوية واحد ييجيله ايميل فاكره ظريف ولا مفيد يقوم عامل فوروارد وسيليكت اول
وعملت فلتر اي ايميل جاي في التوبيك بتاعه اف دبليو ديليت فوري
بالمناسبة ... هو التوبيك كان عن ايه علشان انا سرحت في الكلام ؟
في انتظار بوست اجمد من اللي قبله
سلاموزاتريوس
هههههههههه الواحد نفسويته بايظة خالص اليومين دول يا ندل...فى الحقيقة انا مش بذاكر ...انا بحاول اذاكر والحق اى حاجة ...الساعة اللى بتعدى مش هتيجى تانى:( والامتحان خلاص فاضل عليه 9 ايام:( :( ربنا يستر بقى
بالنسبة للكومنت بتاع ديفيد :ي انا دخلت البلوج بتاعه ولاقيت ان البنت اللى بيقول عليها دى طفلة صغيرة :ي يعنى مش هتعرف تيجى لوحدها من البرتغال لامبابة :ي :ي ...بس البنت كميلة خالص ..لو فعلا كانت تايهة يبقى ربنا يصبر اهلها بجد ويرجعهالهوم
اما بقى فى موضوع الميليز اللى فيها نكت او كلام مفيد ..انا مش ضد الفكرة نفسها.. لكن انا اكتر حاجة تحرق دمى ان واحد يكتب "اقسم بالله العظيم انا ابعت هذه الرسالة لعشر اشخاص" ويقولك انت كده ادبست ولازم تبعت الرسالة ...بجد بيتحرق دمى ...
بالنسبة للبوستات ...انا خايفة بعد الامتحانات مالاقيش افكار جديدة واقفل البلوج ...
شبح الفشل يطاردنى عااااااا :(
ذاكر بقى يا ندل وبلاش الحوار بتاع الكبريت ده :ي خليها حتى قبل المادة بتلت ايام
سلاموز اتريوس
(الا صحيح يعنى ايه اتريوس:ي)
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوســـت بعنوان
أن تكون أبو الفـتــــــــوح شوشــــة
حملة الإفراج عن شيخ المجـاهدين
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007
حلوه اوي نزاهه مش مايد ان ايجيبت دي
لخصتيها بجد
بمناسبهه القضاء يعني الي مايد ان ايجيبت
ماخرا كدا كنت قاعده في قاعده غير ظريفه بالمره فيها واحد محامي محترم
قاعد بقا يفتخر بنفسه و قد ايه حد جامد وانه مره كان في قضيه واحد متلبس بخمور و مخدرات دخل المحكمه لقى واحده سال مين دي ,دي مرات القاضي الجميل قعد بقا يمدح في القاضي و يا حلاوته و يا طاعمته رب يخليه لمامته
راح القاضي مدي براءه على طول
بجد لا تعليــــــق
تحياتي
:)
السلااااااام عليكم
احيى فيكى غيرتك على مصرنا الغالية وفرستك من بتوع بلاد بره دول
ولكن هذا هو الحال هنا وماعتقدش انه فى زى هنا فى اى مكان تانى
بجد انا سعيدة انى اتعرفت بمدونتك
انتى عسولة اوى واسلوبك لذيذ
تحياتى ليكى وربنا يوفقكو فى المذاكرة والامتحانات
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
لذيذ البوست ده قوى
وهو ده حال بلدنا
وخلينا فى التموية
تحياتى
الناس دي بتدور علي مصلحة شعبها قبل اي حاجة تانية وبغض النظر عنسياستها الخارجية
لكن احنا من برة وجوة يعلم الله
ومن جوة وبرة فرشتلك والحكومة مايلة وايه يعجبك
غطوني وصوتوا بقي
عشان اتحرق دمي
ما كنتي قعدتي تذاكري وبلاش تكتبي البوست دة
هو ناقصين نحس بمهانتنا في بلدنا
الهم افقرني واغني عدويني
lma tela2y el 7ag fy 2eedo el seb7a w el zebeeba wakla wesho w belel betal2eeh shal el zebeeba w b2a noty noty w rama el seb7a yeb2a enta akeed fen .... (complete)
هناك الشعب هو اللي بيحكم
عشان كدا المصلحة اﻷولي هي مصلحة الشعب
مثلا اﻷمريكان ف الإنتخابات مش بيهتموا بالسياسة الخارجية
اﻷهتام اﻷول هو المصلحة المباشرة
بيدور علي الضرايب والقوانين وإنت هتعملي إيه ف حياتي اليومية يخليني أنتخبك
تحياتي
ازيك يا نرمين
ايه اخبار الامتحانات؟
ابقى طمنينا عليكى
و مستنينك ترجعيلنا بكتاباتك السكر
....
و بعدين بقى انا زهقت مش كل ما ادخل مدونتك الاقى البوست ده
.....
خالص تقديرى
معروف طبعا علشان تحصن دوله حصنها بالعدل و هما حصنوا بلادهم بالعدل فتقدمت بلادهم
Post a Comment