سبب هزيمة الاهلى
غير
طبعا عدم التوفيق من الله سبحانه وتعالى
وغير
ان النجوم ماكانوش موجودين عشان المنتخب
وغير
ان الفريق التانى للاهلى مش جاهز
وغير كل حاجة
انا جاية اقولكوا على السبب الخفى
وهو
الadministrative law
القانون الادارى
يا جدعان ما هو الحاجة لو حصلت مرة تبقى صدفة
لو مرتين بردو ممكن تبقى صدقة انما تلت مراااااات
ده اللى كتيييييير
كل ما يكون عندى نيلة المادة دى
الاهلى يخسرررررر
وبيخسر فى كوارث
احكلكوا بالتفصيل
السنة اللى فاتت لما الاهلى كان راجع من اليابان....وكان هيعلب ماتش مع الاسماعيلى....كان اليوم ده ليلة امتحان القانون الادارى عندى...
طبعا بالنسبالى ...الامتحان ولا الاهلى
بدون تردد هقول
الاهلى طبعا
عشان كده تلاقونى متفوقة اوى
قعدت مجوعة نفسى طول اليوم وقلت هبقى اتغدى قدام الماتش عشان ماضيعش وقت
المادة بردو كانت 3 كتب طويلة يعنى
ولله الحمد الاهلى لعب
وخسرنا من الاسماعيلى 3-0فى ستاد القاهرة
خدت الصدمة وروحت تنحت قدام الكتاب
دى كانت اول حاجة
تانى حاجة
ودى لسه طازة
هزيمة الاهلى قدام النجم الساحلى:(
على ارضنا:(
فى وسط جمهورنا
كنت وقتها فى امتحانات الميد تيرم وكان عندى نيلة administrative law
وأخدت الصدمة
وقلت يا واد طنش خاااااالص
اما بقى اخر حاجة وهى كانت خروج الاهلى من الكاس..اليوم ده كان عندى بردو administrative law شوفوا الصدف ..وعملت فيه زى النيلة..
وهى من المواد المرشحة وبقوة انها تتشال:(
طب يا جدعان قولولى اعمل ايييييييه انا اتعقدت و كرهت القانون و وكرهت الادارى
عااااااااااااا
بس ماتخافوش....انا المادة دى مش هاخدها تانى ان شاء الله....انا خلاص فى اخر السنة..ادعولى بس انتو انى اتخرج وانى ماشلهاش...والا انتو اللى هتدفعو التمن
انا بس حسيت من الواجب عليا انى اقولكوا
*******************
صحيح
بمناسبة ان الواحد اخد الاجازة
...شعور الواحد بالاجازة لا يوصف...مفيش تطبيق... مفيش سهر...مفيش نسكافيه...مفيش تنشين..مفيش دروس و مراجعات نهائية.....مفيش اى حاجة
غير
نوم ولعب ونت ومنتخب:ي
7 comments:
انا مليش في التوايخ والاحداث دي
المهم انك تنجحي وتتخرجي على خير
نونييييييييييييييييييييييييييييييييي
بيب بيب مصررررررررررر
4/2يانونييييييييي
مبروك
لمصر ولينااااااااااا
وتوكة نزل مزعلوناش
اولا
كنت حاسية انك هتقولي
لما مني جت مصرنحست الاهلي بس الحمدلله مجبتش سيرتي
ثانيا
مبروك علي انك خلصتييييييييييييي
طبعا الفراغ جميلللللللللللل
ياسلام تحسي زي ما يكون جبل وانزاح
السلام عليكم
حمدلله علي سلامتك ورجوعك
ومبروك لمصر ومعلش خسارة الاهلي تتعوض بس انتي متشيليش المادة دي ابوس ايدك
حمدلله علي السلامة تاني ومتغيبيش تاني
يا نيرمو
ف حكمة جميلة اوى
بتقول _الفاشلون هم اجدر الناس على تبرير مواقفهم _
طبعا مش لانى فالح
انا اصلا فاشل ف الكلية من غير ماتشات
وى اى حاجة
عموما
ربنا ينجحك يارب
mohamed
على قولك...مالناش دعوة بالتاريخ والجغرافيا
اهم حاجة انى انحج و اعدى :(
تحياتى ليك يا فندم
_________________________
my hopes
الله يبارك فيكى يا مونىىىىىىىى
لا ماتخافيش انا سترت عليكى..وماردتش اقول تاريخك مع الاهلى
لووووووووول
اى خودعة
____________________________
مهند باشا
ازيك؟؟؟
الله يسلمك
دعاواتك بقى يا مهند انى ماشلهاش
تحياتى
______________________________
كفراوى
يا اهلا اهلا بصاحب الاقوال المأثورة اللى بتعمل احلى دماغ:ي
درر
بس احنا بردو لحد دلوقتى ما حسمناش الجدال حول من هو بالضبط المقصود ب الفاشل (وش بيغمز)
تحياتى
انا كمواطن مصري اهلاوي باطالب وزارة التعليم العالي عالي يابا آه يابا يا بابا .. اطالبها بالغاء هذوها الماده لما لها من تأثير سلبي في مجريات الكره المصريه
والله ولي التوفيق
سلامووووووووووووز
هو انتى حقوق ربنا يعينك ويوفقك يارب
Post a Comment