انا داخلة ومش عارفة هكتب ايه بالظبط ..بس هكتب اللى يطلع و خلاص
انا حاسة ان جوايا طاقة غيظ و خنقة...وبقيت لما بصدق اخش فى جدل او مناقرة او خناق مع حد
..عندى تحفز رهيب معرفش جبت الحاجات دى منين
انا حتى فى التدريب العملى بتاع السكشن على المحكمة....وقفت قلت المرافعة عمالة احرك فى ايدى وكان صوتى بيجلجل فى الروم...يمكن الولاد كانوا بيتكملوا برقة وصوت واطى اكتر منى
لدرجة الدكتور قالى ده
!!ده انتى هتتخانقى مع جوزك خناق
وعلى الرغم من الطاقة الرهيبة اللى جوايا دى
الا انى بقيت كسلانة جدا
عندى حالة من الزهق والملل...بقى لما التليفون يرن ..بدعى ربنا انو ما يكنش ليا ....عشان ماليش نفس ارغى...والمذاكرة طبعا دى الزغلول الكبير...امتحاناتى يوم 13/5 ان شاء الله....ولسه بفتح فى المناهج بشوفها بتتكلم عن ايه
انا بدات احس بتحسن شوية الحمد لله...بس انا ما زلت
حاسة انى تايهة ومش عارفة عايزة ايه
و عايشة اليوم بيومه كده
حاسة انى فاضية وفارغة ...واحدة عايشة بتاكل وتشرب و تنام وبس
ع العموم بعتذر عن انقطاعى عن زيارات صحابى اللى كنت بتابع مدوناتهم...بقالى فترة ما بقتش حتى بحب اروح ازور حد فى مدونته...عشان ماحسش باحباط....كنت فى الاول لما بفتح ايميلى والاقى رسالة كومنت جاتلى بفرح اوى...جت عليا فترة بقيت مش عايزة حتى اقرا كومنت عشان ماحسش بتقصيرى ناحية البلوج واحس بعجزى اكتر
يوم عيد ميلاد البلوج...عصرت على نفسى لمووووووون عشان اكتب البوست
بجد ميرسى لكل اللى زارنى وسأل عنى
ملحوظة
انا عارفة ان البوست ملغبط وكتابته مش حلوة وافكارة داخلة فى بعضها
15 comments:
معلش يا نرمين دي حالة كتير بنمر بيها المهم نطلع منها ..
وطبيعي ان لما يكون الانسان مخنوق وحاسس بالملل انه بيكون متحفز ومشدود عايز يطلع اللي جواه في اي حاجة
فاتكلمي معانا هنا وجادلي براحتك وطلعي الطاقة دي ..
وأبقي ادخلي طمنينا عليكي من وقت للتاني
:)
ولا ملخبط ولا حاجة
بس الانسان ساعات بيمر بالحالة دى لما يلاقى مفيش تغيير
وكل حاجة زى ماهى
بيبقى عايز تجديد
اعتقد دى الحالة اللى انتى بتمرى بيها
سببها كدة
ازيك
انا اول مره ازورك
بس تصدقى انا زيك بظبط اليومين دول باكل وبشرب وبنام وبس ومابصدق اتخانق
مع انى المفروض مبقاش كده مش عارفه فى ايه بظبط
متدايقيش نفسك معظمنا كده
نوناااا
نوني حببتي
يارب ياكريم ياحليم ياعظيم اسئلك ان تفك كرب نرمين بت طنط ام نرمين ههههه
نفسي تفوقي وتحققي كل اللي نفسك فية
نفسي حاجة تحصلك تثبتلك ان الدنياالعكس
نفسي تغيري حياتك وحياتي معاكي الله يخليكي
اية النحس المربع دة
هههههه انت فاهمة المربع طبعا
ياحببتي انت المعلم الكبير
انت اللي علمتني يعني اية مدونات
ومينعفش تقولي علي نفسك انك
مش عارفة تكتبي او تنظمي افكارك وكمان
لمجرد انك كتبتي
يبقي الخنقة ابتدت تروح
ويارب تروح بقي خالصصصصصصصص
وتبقي محامي اد الدنيا وترفعيلي اول قضية خلع
ههههههه
ولو مش مزعلني قوي نخليها طلاق عادي
قشطة
يلا يارب تكسري النحس وتيجي تزوريني اخر مرة جيتي كان من2007
وانا مش هعمل زيك خليني انا احسن طبعا ومش عايزة اشتم ليكي ميل تتهزقي فية هههههه
امواااااااا
سلام
حمدلله علي السلامة يا حجه نرمين
يا اجدع اهلاوية حصلت في تاريخ البشرية
والله وحشتينا ووحشتنا ايامك
فينك كل ده
دا انا قولت هربتي زي الحضري
والغريب انك ترجعي مع حصول الاهلي علي علي بطولة الدوري العام
في نفس اليوم
تخيلي كنت هباركلك علي الاهلي النهارده
يالا الف مبروك يا باشا
المهم انك فضفضتي وقلتي اللي عندك والمهم اننا سمعنا وفهمنا واطمنا والاهم بقي انها حالة وهاتعدي انشاء الله ده عشان خاطرنا مش كده ولا ايه
لكي تحياتي
ع
عادى بقى يا نيرمو
و لا يهمك
نفسنى فينا براحتك المهم انتى تبقى تمام
هههههههه
سلام يا جميل
السلام عليكم
يانرمين كلنا بنمر بكده انا بقالي شهر مكتبتش بوست جديد والسبب اني مش عارف اكتب ايه
كل يوم افتح الدونة ابص عليها واقفلها تاني فعادي يعني وان شاء اللله البوست الجاي ترجعي لامجادك
يا اهلاوية
عزيزتى
هذه الحالة من الخنقة اللى ملهاش اسباب معينه الكل بيمر بيها ومفيش اسبوع بيمر الا لما اخش مدونة يكون صاحبها بيمر بالحالة دى
معلش هتزهقى من حالتك دى وهتهدى قريب
ما الانسان بايديه ايه
ومن الاخر علشان تعيشى الدنيا دى اللى مليانة اوجاع وهموم
هتعصرى على نفسك الف لمونة وتعيشى حياتك
والبوست واضح زى حياتنا
متلغبطة
روقى يا افندم
سلااام
بلتوفيق وطريقتك فى الكتابة حلوة بس كدة اول مرة اجى الاقى مش فى المود
فينك يا بنتي ؟؟؟؟؟؟؟؟؟؟؟
اظهر وبان عليك الامان
ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي
مش عارف اقول ايه ولا ايه بجد
بس فعلا افتقدتك اوي
مبروك وعقبال ما احضر السبوع
mohamed
ميرسى يا محمد على مرورك الدايم على مدونتى...رغم انى مقصرة معاك اوى
انت مستعد يعنى اتخانق معاك :p
تحياتى
___________________
مدحت محمد
يمكن زى ما انت بتقول ...بس بردو كان فى حاجات تانية خنقانى + الملل اللى انت بتقول عليه
___________________
fatafet
اولا اهلا بيكى
ثانيا فعلا حالة الاحباط دى بقت حالة عامة اوى
..يلا ربنا يفرجها علين اجمعين
تحياتى
______________________
my hopes
ماشى يختى:p
_____________________
Mohand
لولولولولى الله يبارك فيك...عقبال اليابان ان شاء الله :ي
_______________________
sendbad
ميرسى لمروك ودايما منورنى
----------------------
احساس لسه حى
علم و ينفذ :]
____________________
رئيسة حزب الاحلام
ميرسى لمرورك يا جميلة ..تحياتى
_____________________
شاب نفسه يحقق حلمه
يا اهلا اهلا بزمالكاوى التدوين..منور يا فندم...ومبروك الكاس...وميرسى لمرورك
____________________
kafrawy
هههه خلاص انا مستعدة ابدا بيك ..وامسك فى خناقك ;p
منور دايما يا فندم
_____________________
N@DL
الله ييارك فيك..ميرسى
"الله ييارك فيك..ميرسى"
مش فاهم بس عادي
n@dl
هو ايه فى اللى انا قولته ما يفتهمش
انت قلت:
مبروك وعقبال ما احضر السبوع
ردى كان:
الله يبارك فيك...وميرسى لمجيتك ومباركتك
السؤال بقى
هو ايه اللى عادى
تحياتى
Post a Comment