انبارح كنت فى فرح واخدت الجيرب من العروسة لولولولولولىلالا اوعوا تفهمونى صح
وتفتكروا انى ملهوفة على الجواز و كده
نو
جاميه
ابسولتلى نو
كل الموضوع بس اننا كنت واخدة موضوع الجيرب ده تحدى
لانى طوووووووووهوقت منه
اصل عيلتنا ولله الحمد ..فى ماسورة جواز و خطوبة ضاربة فيها من حوالى سنتين كده
الشباب كان كله معنس ومرة واحدة ربنا سهلها على الجميع
كنت دايما فى حوار الجيرب ده لما يقولوا فى الدى جيه ..صحاب العروسة اللى لسه احم-ماتجوزوش-يجوا يقفوا وراها على ما سلامتها تحدف الجيرب
كنت بفك انا من الحوار ده
و كان دايما اهلى يقعدوا يقولولى قومى واقفى و كده
ولله الحمد كنت كل ما اسمع كلامهم اقوم اتكسف كسفة سودة
ياما لاحقش امسكه..رد فعلى بطىء اوى :) ...او اقف ورا العروسة ..وتروح العروسة مدورة و مدياه لواحدة معينة بيبقى منظرى استغفر الله العظيم
حتى فى فرح اختى
اختى قابلها قالت انها ناوية تلف و تدهولى
كوسة بكوسة بقى
لكن بابا ولله الحمد ..قالها لا ماينفعش كده وقالها فيما معناه
دى حاجة زى فقرة ثابتة فى كل فرح...ولازم نسيب المنافسة اللى حى تحدد مين اللى هتسمك الجيرب
وشوية شوية كان هيكلمنا عن نظرية تكافؤ الفرص فى ظل انهيار البورصة العالمية و اثرها المباشر على اضمحلال الخلاق و القيم
تقولوش كانت هتدينى الوزارة ..مش شوية ورد بايت:(
ام هند
وبالفعل فى فرح اختى
الجيرب وقع فى ايد بنت عمى قبل حتى ما الحق اعمل خطوتين
ومرات خالى قعدت تقولى
يا خايبة:(
الله وانا اعمل ايه ما هما اللى قالولى
ومرت الايام وقلت خلاااااااص انا مش هتنيل اقف تانى ..كرامتشى فوق كل اعتبار
وفعلا فى فرح بنت عمى مش اللى اخدت الجيرب واحدة تانية
قعدت فى مكانى بكرامتشى
ولا اتهزت منى شعرة واحدة
لاقتها جاية تقولى بعد الوفيه
انتى ما وقفتش ليه ..انا كنت عايزة احدفهولك:(((
ومرت الايام
وتقلص عدد عرايس العيلة الاكبر منى
وما بقاش فاضل غير واحدة بس اكبر منى
وهى سمية بنت خالتى اللى كان فرحها انبارح
قلت يلا بقى
ده اخر فرح للعيلة:ي فلازم الواحد يسيب ذكرى طيبة ...هيوحشهم هما جو الافراح يا عينى
قلت مش هخسر حاجة
اقف واجرب
وبالفعل
وقفت ورا العروسة
3
2
1
هووووووب
ولا امير عبد الحميد فى زمانه معلش نفسى مش صافية للحضرى عشان اضرب بيه المثال
انقضيت على الجيرب
بينى و بينكو انا شاكة ان البت بنت خالتى ..كان قصدها تحدفوا قريب منى
بس
قصدها مش قصدها
كوسة مش كوسة
انا اللى سوقت الفيكترا يا منى
قصدى
انا اللى مسكت الجيرب
وانا اللى اتصورت مع العرورة و العرير وانا مسكاه وش بيريل
وعلى المتضرر اللجوء للفيفا
كنت فرحانة جدا انى حققت التحدى الاعظم ده
ولو ان حوار الجيرب ده جابلى وقع الدماغ..وسمعنا كلام مالوش لازمة
كلام بقى من عينة
عقبالك
انتى اللى عليكى الدور
خلاص بقى مالكيش حجة
:((((
احلى حاجة ..ودى اللى خلت الليلة تعدى على خير و الحمد لله
ان احمد ابن خالى ماكنش موجود...كيف عنده يتيريق على خلق الله
والحمد لله ماكنش هيعتقنى لوجه الله تعالى
مش بعيد يقوم يتريق فى المايك
عشان تعرفوا ان انا بت طيبة و ربنا بيحبنى
المهم احب اوجه تحياتى و تهنأتى القلبية من موقعى هذا من خلف شاشة الكمبيوتر
لسمية العروسة و عريسها نبيل ..واتمنالهم السعادة واهدى الزغروتة دى ليهم و
لماما وبابا و تيتية و شيرين اختى ومريم بنتها ومحمد جوزها جوز شيرين مش مريم بلاش ذكاء واحب اسمع اغنية ست الحباييبت يا حنايا انت
بيس
8 comments:
حتي الجيرب فية كوسة
بس انا واثق انك اخدتية بمجهودك
يالا باقي خطوة وانتي تبقي ليك قرار الحدف وفي اي اتجاة
مبروك مقدما
مبروك للعرسان يا نرمين :)
وعقبال جريب فرحك كدا ..أنتي عملتي اللي عليكي وناضلتي نضال مشرف مرة ومرة تانية استخدمتي تكتيك غادي في النضال السلبي .. المهم أنك في النهاية أنتصرتي وحققتي الجريب
وكل جريب وانتي طيبة
ههههههههههه ال ماقولتليلي ع الفرحة علشان تعرفي
انك واطية
وكمان تقومي وتاخدي جيرب بت انا زيك كدا عمري ماوقفت امسك ولا ناضلت ولا حاولت
يابختك ياعم يارب وشه يبقي حلو عليكي سلاممممممممممممم
ههههههههههههه
والله يا بنتي انا كانوا بيتحايلو عليا اجيبه في فرحي وانا راسي والف جزمة اني مش امسك في حاجة غير ايد طارق
والعيال يقولي عشان تحدفي لينا
واقولهم ان كان ولابد يبقي اي دبشة في دماغكم وخلاص
بس حركة جدعه منك برضه
وهطلع زي عيلتك واقولك حتي المدونينن اتجوزوا الدور عليكي بقي
:)))
عقبالك يا نيرمو
لولولولولللىلىلىلىىل
كراكيب عادل
الله يبارك فيك مقدما بردو
ايوان حتى الجيرب فيه كوسة
سلام
___________________________
محمد
الله يبارك فيك يا محمد
فينك من زمان
عقبال فرحك انت الاول
ايوه بالظبط كده المهم انى انتصرت:)
سلام
______________________________
,my hopes
انا واطية:|
يعنى ادينى بريستجيى قدام المدونين وخديه تانى واحنا بنكلم بعض...صبرك عليا
يا بت انا مالحقت اقولك
_______________________________
smraa el nil
الحقوا يا جدعان ....العرورة عندى فى البلوج لولولولولوللى
انتى جيتى على سيرة الجيرب ولا ايه
بس جامدة حكاية انك ماكنتش عايزة تمسكى جيرب عشان طارق
ربنا يخليكوا لبعض يا رب
حتى انتى يا سمراء بتقوليلى انا اللى عليا الدور...طب اروح فين يا جدعان:(((
____________________________
kafrawy
وعقبالك انت كمان يا كفراوىىىىىىىىىىى لولولولولولولولولى
انا عجبني موووووووووووووووت الجيرب ده
بجد البوست عجبنى جدا
فكرتينى بمدونه عايزه اتجوز
عقبالك يا نرمين
لما نفرحك فيكى
احم... قصدى بيكى
Post a Comment